تدور كيك كبير لعزيمة أو مناسبة أو جمعة دوام؟ السؤال اللي يحدد الحجم هو: كم شخص بياكل منها؟ هنا جدول واضح من 12 شخص إلى 70 شخص، والفرق بين الكيكة الكبيرة والدبل طول والطبقات، ومتى لازم تحجز.
جدول: كم شخص يكفي كل حجم؟
| عدد الضيوف | الحجم | النوع |
|---|---|---|
| 12–16 | 8 إنش | عادي |
| 14–18 | 6 إنش دبل طول | طولها الضعف |
| 18–22 | 6+8 | دورين |
| 20–24 | 10 إنش | عادي |
| 25–30 | 10×14 أو المربع 6×8 | مستطيل أو مربع |
| 26–30 | 8 إنش دبل طول | طولها الضعف |
| 28–32 | 12 إنش | عادي |
| 40–45 | 10 إنش دبل طول، أو 6+8 طويلة | طويلة أو دورين |
| 60–70 | 11×21 | مستطيل |
الأحجام المتوفرة تختلف من تصميم لتصميم، وتشوف المتاح في صفحة المنتج. وباقي الأحجام في أحجام الكيك وكم شخص تكفي.
نصيحة: إذا عددك بين حجمين، خذ الأكبر، خصوصاً لو الكيكة هي الحلا الوحيد.
كبيرة، ولا دبل طول، ولا طبقات؟
الكيكة الكبيرة العادية (8 و10 و12 إنش) هي الأسهل في التقطيع، وسطحها واسع للكتابة والزينة. تناسب عزايم البيت والمكتب.
الدبل طول بنفس العرض بس طولها الضعف، فتكفي عدد أكبر بدون ما تاخذ مساحة أكبر على الطاولة. مثلاً 6 إنش دبل طول تكفي 14–18 شخص، والعادية تكفي 6–8.
كيك الطبقات والدورين شكلها أوضح في الصور، وتناسب اللي يبي الكيكة تكون وسط الطاولة. والطبقات عندنا تبدأ من الصغير، مثل ميني كيك دورين بحجم 2+4 إنش، وتوصل لحجم 6+8 في تصميمات مختارة، وتشوفها في صفحة كل منتج.
المستطيل والمربع عملي للعدد الكبير جداً، لأن تقطيعه لمربعات سهل وتطلع القطع متساوية. يناسب الدوامات والفعاليات.
كم كيكة تطلب للعدد الكبير؟
بعض الأحيان كيكتين أحسن من كيكة وحدة ضخمة:
- ضيوف رجال وضيوف نساء في مكانين: كيكة لكل مكان.
- ناس تحب أكثر من حشوة: كيكتين بحشوتين، مثلاً كيكة القليتر بحشوة كريمة وكيكة ثانية بحشوة لوتس. وتقارن بينها في دليل حشوات الكيك.
- كيكة للصور وقطع للتوزيع: كيكة كبيرة للتصوير، ومعها كيك كوب لكل ضيف. وعندنا أفكار في كب كيك للمناسبات.
أي حجم لأي مناسبة؟
| المناسبة | العدد التقريبي | الحجم المقترح |
|---|---|---|
| جمعة عائلة | 12–16 | 8 إنش |
| احتفال في الدوام | 20–24 | 10 إنش |
| عزيمة كبيرة في البيت | 28–32 | 12 إنش |
| ملكة أو حفلة خطوبة | 40–45 | 10 إنش دبل طول، أو 6+8 طويلة |
| فعالية أو يوم مدرسي | 60–70 | 11×21 أو أكثر من كيكة |
والعدد هنا تقريبي، وحجم القطعة يفرق. فلو عندك بوفيه حلا كبير، تكفيك كيكة أصغر. ولو الكيكة هي الحلا الوحيد، خذ الحجم الأكبر.
كيف تقطّع الكيكة الكبيرة؟
- المدوّرة الكبيرة: ابدأ بدائرة في الوسط، وبعدها قطّع الحلقة الخارجية قطع صغيرة، عشان تطلع قطع أكثر.
- المستطيل: قطّعه خطوط طولية، وبعدها خطوط بالعرض، وتطلع مربعات متساوية.
- الدبل طول: اقسم القطعة نصين بالطول، لأن القطعة العالية تكون كبيرة على شخص واحد.
- الدورين: شيل الدور الفوق أول، وقطّع كل دور لوحده.
متى تحجز؟
- تنحجز قبلها بيوم على الأقل: 12 إنش، و10×14، و11×21، والمربع 6×8، والقلب 12 إنش.
- 8 و10 إنش: من الأحجام العادية اللي تقدر تنحجز لنفس اليوم إذا الفترة لسا مفتوحة.
- نصيحتنا للعزايم: احجز بدري، خصوصاً لو عندك وقت محدد، وخلّ التوصيل في الفترة اللي قبل المناسبة، مو اللي فيها.
الفترات: 9 الصبح – 2 الظهر، 2 الظهر – 7 المغرب، 7 المغرب – 12 الليل. والتوصيل 29 ريال، ومجاني للطلبات من 300 ريال. التفاصيل في صفحة التوصيل.
تبي عليها شعار أو عبارة؟
من صمّم كيكتك تختار الشكل والحشوة واللون والكتابة، وتقدر تطبع صورة. والكتابة لين 25 حرف، فخلّها قصيرة. وأفكار العبارات في عبارات على الكيك.
الأسئلة الشائعة
كم حجم الكيكة اللي تكفي 30 شخص؟
12 إنش تكفي 28–32 شخص، و8 إنش دبل طول تكفي 26–30.
وكيكة تكفي 50 شخص؟
10 إنش دبل طول تكفي 40–45. ولأكثر من كذا، خذ 11×21 اللي تكفي 60–70 إذا كانت متاحة لتصميمك، أو اطلب كيكتين.
أقدر أطلب كيكة كبيرة لنفس اليوم؟
8 و10 إنش إذا الفترة لسا مفتوحة. أما 12 إنش والمستطيلات فتنحجز قبلها بيوم.
وش الفرق بين الدورين والدبل طول؟
الدورين كيكتين بحجمين فوق بعض. والدبل طول كيكة وحدة بنفس العرض وطولها الضعف.
كل المدن فيها الأحجام الكبيرة؟
المنتجات متوفرة في المدن التسع، ما عدا الورد الطبيعي ومارتيني الورد وبكجين فيها ورد، وهذي ما تتوفر في الأحساء وبريدة وعنيزة. وتأكد من الحجم المتاح في صفحة مدينتك، مثل كيك الرياض.
حدد عدد ضيوفك من الجدول، وابدأ من كيك عيد الميلاد أو من صمّم كيكتك.
نكتب عن الكيك، وعن التفاصيل التي تجعل الإهداء أقرب.